ကိုကျော်စွာရဲ့ cbox ထဲက မေးခွန်းလေးကို ဖြေပေးရင်းနဲ့ ကျွန်တော် SQL Server 2005 မှာ database တည်ဆောက်ပုံလေး ပြောပြပေးချင်ပါတယ်။ အရင်ဆုံး SQL Server 2005 ကို run ဖို့အတွက် START-> ALL PROGRAM -> MICROSOFT SQL SERVER 2005 -> SQL SERVER MANAGEMENT STUDIO ကို click လိုက်ပါ။ ဒါဆိုရင် sql server management studio ပွင့်လာပြီး database server login တောင်းပါလိမ့်မယ်။ server name နေရာမှာ ကျွန်တောတို့က ကိုယ့်စက်ကိုယ် ဖွင့်မှာဖြစ်လို့ computer name ဒါမှမဟုတ် local ဒါမှမဟုတ် (.) လေးထည့်ပေးရပါမယ်။ authentication အကောင့် အတွက်တော့ ၂ မျိုးရွေးလို့ရပါတယ်၊ window authentication နဲ့ ၀င်မယ်ဆိုရင် login name နဲ့ password ပေးစရာမလိုပါဘူး။ SQL Server Authentication နဲ့ ၀င်ရင်တော့ default login name က (sa) ပါ၊ password ကတော့ ကျွန်တော်တို့ SQL Server install လုပ်တုန်းက ပေးထားခဲ့တဲ့ password ကိုသုံးရပါမယ်။ တကယ်လို့ SQL Server install လုပ်တုန်းက မပေးခဲ့ဘူး ဆိုရင်တော့ window authentication ကိုပဲ ရွေးပြီး ၀င်လိုက်ပါ။
အခုကျွန်တော်တို့ server ထဲကို ရောက်ပါပြီ။ အဲ့ဒီမှာ object explorer ကိုတွေ့ရမှာပါ။ မတွေ့ရင် View Menu -> object explorer ကိုရွေးလိုက်ပါ။ object explorer ထဲမှာ Databases, Security, Replication စသည်ဖြင့် tree nodes လေးတွေ တွေ့ရပါမယ်။ အဲ့ဒီ ထဲက Databases nodes လေးထဲကို ထပ်ဝင်လိုက်ရင် ကျွန်တော်တို့ လက်ရှိ တည်ဆောက်ထားတဲ့ databases တွေကို တွေ့ရပါလိမ့်မယ်။ အခုကျွန်တော်တို့ database တစ်ခု အသစ်ဆောက်ဖို့အတွက် Databases node လေးကို right click လုပ်ပြီး new database ဆိုတာကို ရွေးလိုက်ပါ။ new Database window လေး ပေါ်လာပါမယ်။ အဲ့ဒီက database name textbox ထဲမှာ ကျွန်တော်တို့ တည်ဆောက်ချင်တဲ့ database အမည်လေးထည့်ပါ။ owner ကတော့ default ပဲထားလိုက်ပါ။ database တစ်ခုအတွက် .mdf file နဲ့ .ldf file ဆိုပြီး file ၂ ခု ဆောက်ပေးပါလိမ့်မယ်၊ ဆောက်ပေးမယ့် default location က C:\ အောက်က Sql server သွင်းထားတဲ့ location မှာပါ။ ဒါကို ကျွန်တော်တို့ ကြိုက်တဲ့ location မှာ သွားဆောက်လို့လည်း ရပါတယ်၊ database files ဇယားကွက်ထဲက Path ဆိုတဲ့ နေရာမှာ သွားရွေးပေးလိုက်ပါ။ ပြီးရင်တော့ OK လုပ်လိုက်ပါ၊ ဒါဆိုရင် အခု ကျွန်တော်တို့ ကိုယ်ပိုင် database လေးဆောက်လို့ ပြီးပါပြီ။
ဒီ database လေးထဲမှာ data တွေသိမ်းဖို့အတွက် table တွေ ထပ်ဆောက်ပေးဖို့ လိုအပ်ပါသေးတယ်။ အဲ့ဒီ အတွက် databases node လေးထဲက ကျွန်တော်တို့ အသစ်ဆောက်လိုက်တဲ့ database အမည်လေးကို ထပ်ဖွင့်လိုက်ရင် Database Diagrams, Tables, Views စသည်ဖြင့် ထပ်တွေ့ရပါမယ်။ အဲ့ဒီမှာ Tables nodes လေးကို right click လုပ်ပြီး new table ကို ရွေးလိုက်ပါ။ ဒါဆို ကျွန်တော်တို့ table အသစ်ဆောက်ဖို့ နေရာကို ရောက်ပါမယ်။ အဲ့ဒီ နေရာမှာ ကျွန်တော်တို့ table ထဲမှာ သိမ်းချင်တဲ့ record တွေအတွက် သိမ်းမယ့် column(field) တွေကြေငြာပေးရပါမယ်။ column name နေရာမှာ ကိုယ်ကြိုက်တယ် အမည်ပေးရမယ်၊ တခု သတိထားဖို့က အဲ့ဒီ အမည်အတွက် space တွေ မထည့်ပေးပါနဲ့။ ထည့်ပေးလို့ မရဘူးမဟုတ်ဘူးနော်၊ မထည့်ပေးတာက program တွေကနေ ပြန်ခေါ်သုံးမယ့် အခါ ပိုပြီး အဆင်ပြေစေပါတယ်။ ပြီးရင် အဲ့ဒီ column အတွက် သိမ်းမယ့် data type ကို ကြေငြာပေးရပါမယ်။ allow null ဆိုတဲ့ checkbox လေးကတော့ ကျွန်တော်တို့ အခုဆောက်လိုက်တဲ့ column လေးမှာ data မထည့်လို့ မရဘူး၊ ထည့်ကို ထည့်ရမယ်လို့ သက်မှတ်ချင်ရင် off လုပ်ရပြီး၊ မထည့်လည်း ရမယ်ဆိုရင် on ပေးရမှာပါ။ ဒီနည်းအားဖြင့် ကျွန်တော်တို့ စိတ်ကြိုက် ကော်လံတွေ ဆောက်ပေးရပါမယ်။
ဥပမာ အားဖြင့်
| column name | data type | allow nulls |
| CategoryID | int | off |
| CategoryName | varchar(50) | on |
စသည်ဖြင့်ပေါ့။
columns တွေ ဆောက်လို့ ပြီးပြီဆိုရင် table တစ်ခုမှာ လိုအပ်တဲ့ primary key ကိုသက်မှတ်ပေးရပါမယ်။ ကိုယ် သက်မှတ်ချင်တဲ့ column လေးကို ရွေးပြီး toolbar ပေါ်က သော့ပုံ icon လေးကို နှိပ်လိုက်ရုံပါပဲ။ ပြီး အဲ့ဒီ primary key ကို auto တိုးသွားစေချင်ရင်တော့ အောက်နားက column properties ထဲမှာ Identity Specification ဆိုတာ နေရာမှာ (Is Identity) ကို Yes လုပ်ပေးရပါမယ်။ အားလုံးပြီးသွားပြီဆိုရင် ကျွန်တော်တို့ အခုဆောက်လိုက်တဲ့ table လေးကို save လုပ်လိုက်ပါတော့။ အိုကေ ဒါဆိုရင် အခုကျွန်တော်တို့ table တွေ ဆောက်တက်ပါပြီ။
ကျွန်တော် နမူနာလေး ဆောက်ပြထားတဲ့ video training လေးကို ဒီမှာ ဒေါင်းပြီး ကြည့်ကြည့်လို့ ရပါတယ်။
http://www.sendspace.com/file/0i0j43
